Në një kohë kur lajmi trishtoi mbarë shqiptarët, vdekja e kompozitorit Aleksandër Lalo mbrëmjen së dielës shkaktoi polemika në rrjete sociale.
Kjo pasi u njoftua lajmi i hidhur, tv Klan transmetonte emisionin “C’est la vie”, ku kompozitori ishte pjesë e jurisë, ndërsa pretendohej gjatë gjithë kohës që spektakli ishte live. Përveç moderatores Marina Vjollca, edhe këngëtari Altin Goci vunë theksin disa herë se ishin ‘100 % live’.
Ndaj, Goci ka reaguar për të shuar të gjitha zërat rreth transmetimit të spektaklit. “Në fakt kisha vendosur të mos replikoja fare ndaj spekulimeve të rastit në disa media, jo për gjë, por tanimë është bërë si traditë. Nuk doja të replikoja për respekt të profesorit Lalo pasi në asnjë çast nuk dua që humbja e tij e parakohshme të përdoret për gjera të pavlera.”, tha Goci.
