3 shtetas janë vënë në prangat e policisë, për vepra të ndryshme penale.
Në prangat e Policisë së Vlorës ka rënë një 21 vjeçar me iniciale M. M. pasi gjatë kontrollit të ushtruar u gjet dhe u sekuestrua një sasi lënde e dyshuar narkotike kanabis.
“Specialistët e Seksionit për Hetimin e Trafiqeve të Paligjshme dhe Narkotikëve të DVP Vlorë arrestuan në flagrancë shtetasin M. M., 21 vjeç, banues në Vlorë, pasi gjatë kontrollit të ushtruar nga shërbimet e Policisë, në banesën e tij, u gjet dhe u sekuestrua një sasi lënde e dyshuar narkotike kanabis”,- njofton policia.
Gjithashtu në prangat e policisë ka rënë një tjetër person 54 vjeç pasi ishte dënuar për vjedhje energjie dhe një tjetër 68 vjeçar pasi po drejtonte makinën në gjendje të dehur.
“Nga specialistët për Hetimin e Krimeve në Komisariatin e Policisë Vlorë u kap dhe u ndalua shtetasi A. L., 54 vjeç, banues në Vlorë, pasi Gjykata e Shkallës së Parë Vlorë, me vendimin e datës 12.02.2020, e ka dënuar me 2 muaj burgim, për vjedhje të energjisë elektrike. Nga specialistët e Qarkullimit Rrugor në DVP Vlorë u bë arrestimi në flagrancë i shtetasit H. M., 68 vjeç, banues në Vlorë, pasi u konstatua nga shërbimet e Policisë, duke drejtuar automjetin, në gjëndje të dehur”,- njofton policia.
Materialet procedurale iu referuan Prokurorisë, për veprime të mëtejshme.
