Partia Socialiste nuk është mjaftuar me përjashtimin që Lndita Nikolla i bëri ditën e djeshme kreut të Partisë Demokratike, Sali Berisha dhe kërkon nga Kuvendi që të marrë masë disiplinore edhe për katër deputetë të tjerë të opozitës.
Teksa salla e seancave plenare u kthye ditën e djeshme në një arenë të fortë përplasjesh, ku PD kërkoi me ngulm prezencën e kryeministrit Edi Rama për të dhënë llogari lidhur me skandalin e korruptimit të zyrtarit të FBI, Charles McGanigal, nga PS akuzojnë për kaosin e krijuar deputetët demokratë.
Për Flamur Nokën, Belind Këlliçin, Edmond Spahon dhe Edi Palokën, një grup deputetësh i Partisë Socialiste ka paraqitur para Sekretariatit për Procedurat, Votimet dhe Etikën kërkesën për marrje mase disiplinore.
Janë 7 deputetë të PS që kanë kërkuar përjashtimin me 10 ditë nga seancat plenare për 5 ligjvënësit e PD. Kanë qenë Ismet Beqiraj, Petro Koçi, Denis Deliu, Arben Pëllumbi, Ermonela Felaj, Mimi Kodheli dhe Gerta Duraku nga radhët e PS që kanë firmosur shkresën.
Mbledhja për të shqyrtuar kërkesën pritet të mbahet ditën e sotme.
