Një banesë ku jetonin dy familje është shkrumbuar nga flakët paraditen e sotme në Bulqizë duke rrezikuar jetën e pjesëtareve të familjeve të Sefer dhe Dali Elezit, njofton policia lokale e Bulqizës
Ngjarja ka ndodhur në njësinë administrative Martanesh, ku fillimisht flakët janë pikasur nga vetë familjarët të cilët kanë njoftuar zjarrfikësen e Bulqizës.
Për shkak edhe të largësisë zjarrfikësja ka shkuar me vonesë dhe nuk ka mundur ta fikë zjarrin.
Në vendngjarje ka shkuar dhe policia e cila ka nisur hetimet.
Ende nuk dihen shkaqet e rënies së zjarrit.
