Kryetari i Partisë Demokratike, Sali Berisha e ka nisur ditën me shqetësimin për trafikun e tmerrshëm me të cilën përballen banorët në Tiranë.
Berisha shkruan se Tirana nën drejtimin e Erion Veliajt është kthyer në një xhungël të tmerrshme “betonizimi” duke e renditur kryeqytetin shqiptar një ndër 10 vendet më të ndotura të planetit.
“Ky është sot, por dhe çdo ditë tjetër, trafiku në Tiranë! Ndaj Tirana e lal “betonit,” renditet në 10 qytetet më të ndotura të planetit”, shkruan Berisha në statusin e tij teksa publikon edhe një video nga trafiku në kryeqytet.
- Situata e trafikut në Tiranë:
Në fakt situata e rënduar e trafikut është e njëjtë çdo ditë në Tiranë ku qytetarët përballen me situatën kaotike, rrugët e ngushtuara dhe betonizimin. Përgjegjës për situatën kaotike në kryeqytet është kryebashkiaku socialist Erion Veliaj i cili e ka kthyer Tiranën në një kantier të madh ndërtimi, fluks makinash dhe ajër i ndotur.
Fatkeqësisht, dita e një qytetari në Tiranë nis me stres e ankth, ku të gjithë vrapojnë për të arritur në orar në destinacionet e tyre, disa të tjerë duhet të dalin një orë para nga shtëpia për të kapur autobusin, pasi metropoli zhytet në kaos trafiku që në orët e para të mëngjesit.
Trafiku rëndohet edhe në orët e pasdites, kur qytetarët kthehen nga puna. Një dite të lodhshme, i shtohet edhe trafiku i rënduar vetëm sepse kryebashkiaku nuk tregon përgjegjshmëri ndaj qytetarëve të tij.
