Ish-ambasadori Agim Nesho tha se deklarata e ministrit britanik për shqiptarët është bulliste dhe e papranueshme por faji për këtë qëndrim sipas tij duhet kërkuar brenda vendi.
Nesho u shpreh se ky qëndrim tregon një përbuzje të qeverisë britanike ndaj atyre që e kanë krijuar këtë situatë në marrëdhënien mes dy vendeve për çështjen e emigrantëve që është qeveria.
“Ka arritur një shkallë e tillë e vlerësimit të ecurisë së gjërave në Shqipëri sa edhe ata ndiejnë një lloj përbuzjeje për atë që e ka krijuar këtë situatë mes dy vendeve. Britani është përpara një fushate elektorale dhe çështja e emigrantëve është kali i betejës për konservatorët. Shqipëria jo vetëm nuk bën punët e saj dhe ka krijuar një tension brenda vendi duke nxitur shpopullimin, por shqetëson edhe aleatët tanë me të cilët duhet të bashkëpunojmë në këtë situatë gjeopolitike në botë”, tha Nesho, për Euronews Albania.
