Një rrëshqitje dheu për shkak të shirave të ditëve të fundit në Itali, ka shkaktuar shembje në varrezat e qytetit të Sant’Agata de’ Goti (Benevento) mëngjesin e sotëm.
Mediat italine raportojnë se gati më shumë se njëqind arkivole dhe urna funerali, u tërhoqën nga rrëshqitja e dheut duke përdundusr në përrua.
Bëhet me dije se autoritetet kanë ndërhyrë menjëherë në vend, dhe se me përmirësimin e motit do të nisë ripozicionimi i tyre.
“Ne respektojmë dhimbjen e familjarëve të të vdekurve, por kërkojmë mirëkuptim dhe bashkëpunim maksimal të mundshëm nga të gjithë, pa fajësuar padrejtësisht”, tha kryetari i bashkisë Sant’Agata dei Gotti, Salvatore Riccio.
Shumë nga familjarët e të vdekurve kanë kërkuar ndërhyrje gjyqësore për të konstatuar nëse ka përgjegjësi të pushtetit vendor, pasi banorët kishin vënë në dukje prej kohësh problemet në zonën e varrezave.
