Presidenti ukrainas Volodymyr Zelensky ka vënë në dyshim ekzistencën e presidentit rus Vladimir Putin, duke thënë se nuk e di nëse është ende gjallë teksa iu drejtua liderëve botërorë në Davos.
Duke folur në Forumin Ekonomik Botëror në resortin alpin në Zvicër përmes videos, Zelensky sugjeroi se Putin mund të ketë vdekur.
Spekulimet për shëndetin e Putinit kanë qenë të vazhdueshme gjatë gjithë pushtimit rus të Ukrainës me tiranin e Kremlinit që ka bërë gjithnjë e më pak paraqitje publike.
Komentet e Zelenskit vijnë pasi Putin nuk u paraqit në zhytjen e tij vjetore në ujërat e ngrira të Rusisë për të shënuar Epifaninë Ortodokse, duke nxitur më tej dyshimin mbi gjendjen e tij.
Udhëheqësi i Ukrainës gjatë kohës së luftës po diskutonte për bisedimet e mundshme të paqes midis Kievit dhe Moskës kur sugjeroi se Putini në fakt mund të kishte vdekur.
“Për momentin nuk e kuptoj se me kë duhet të flas. Nuk jam i sigurt nëse Presidenti i Rusisë është ende gjallë”, tha ai.
“Unë nuk e kuptoj nëse ai është ende gjallë ose nëse është ai që po i merr vendimet”, shtoi Zelensky.
Pavarësisht se është vënë në pikëpyetje vdekshmëria e Preisdentit rus, deri më tani nuk ka pasur prova që të sugjerojnë se Putini në fakt ka vdekur.
