Është liruar nga ambjentet e Komisariatit te Policisë së Tepelenës Albi Gumeni, 29 vjeçari i cili dhunoi mësuesin e fizkulturës, Kleanth Laçi, pasi ky i fundit dyshohet se i ngacmoi seksualisht të motrën.
Prokuroria e Gjirokastrës e ka quajtur të paligjshëm arrestimin e 29-vjeçarit dy ditë më parë pasi u vetëdorëzua në Komisariatin e Policisë pas dhunës së ushtruar ndaj mësuesit 59 vjeçar.
Mësohet se lirimi i të riut nga dhomat e izolimit është bërë përmes një urdhri të posaçëm prej prokurores Edlira Manelli e cila e ka vlerësuar si të paligjshëm arrestimin e Gumenit me argumentin se nuk kishte shkaktuar dëme që mund t’i shkaktonin vdekjen mësuesit Kleanthi Laçi.
