Bayern Munich ka siguruar më në fund firmën e portierit Yann Sommer. Gardiani zviceran nuk kishte dalë në stërvitje sot me Borusia Munchengladbach dhe mediat gjermane zbuluan se kjo ishte për shkak se do të nisej drejt Mynihur për të kryer vizitat mjekësore para firmës me Bajernin.
Bavarezët ishin prej kohësh në negociata me portierin dhe klubin e tij, pasi kërkonin një zëvendësues të denjë për Manuel Neuer i cili u dëmtua në gju gjatë pushimeve teksa po bënte ski. Zomer ka qenë prej kohësh një kandidat për klubet e njohura, por deri më tani, Gladbah i kishte refuzuar ofertat për të.
Sipas mediave gjermane, akordi është arritur kundrejt pagesës së shifrës prej 8 milionë eurosh me 1,5 milionë euro të tjera si bonuse që do të lidhen me paraqitjet në Bundesligë dhe Ligën e Kampioneve. Sommer do të nënshkruajë një kontratë deri në verën e vitit 2025 me Bayernin.
