Akademikja kosovare Edi Shukri ka ndërruar jetë në moshën 73-vjeçare. Lajmi është bërë i ditur nga Akademia e Shkencave të Kosovës, ku Shukri cilësohet si një emër i çmuar “në fushën e arkeologjisë, historisë, letërsisë, angazhimeve politike, institucionale dhe kulturore në Kosovë por mbarë hapësirës shqiptare”.
Shukriu ka punuar për Ministrinë e Punëve të Jashtme të Kosovës dhe ka qenë deputete e Kuvendit të Kosovës në periudhat 1992-1998 dhe 2002-2004. Ajo njihet edhe për botimet monografike dhe studimet nga fusha e arkeologjisë dhe historisë.
Ajo ka qenë gjithashtu bashkëdrejtuese e Departamentit të Kulturës–UNMIK (2000-2001), Kryetare e Komisionit për Kulturë, Rini dhe Sport të Kuvendit të Kosovës (2001-2004). Nënkryetare e Alternativës Demokratike të Kosovës (2004 – 2013). Ishte themeluese e Forumit të Gruas të LDK (1990) dhe kryetare e saj (1995-2000), si dhe organizatore dhe lidere e demonstratave të shumta të grave kundër regjimit serb.
Në dhjetor të vitit 2012 u zgjodh anëtare korrespondente e Akademisë së Shkencave dhe Arteve të Kosovës, ndërsa nga viti 2013 anëtare e Akademisë Europiane të Shkencave dhe të Arteve.
