Një 23-vjeçare është larguar pa gjurmë nga banesa e saj në Patos.
Rasti është denoncuar nga mamaja e të resë, e cila deklaron se 23-vjeçarja është larguar natën e ndërrimit të viteve dhe ende nuk ka asnjë gjurmë nga ajo.
E reja vuante nga probleme të shëndetit mendor.
“Më datë 16.01.2023, në Komisariatin e Policisë Fier ka bërë kallëzim shtetasja Sh. M., 46 vjeçe, banuese në Patos, se më datë 31.12.2022, është larguar nga banesa, vajza e saj, shtetasja S. M., 23 vjeçe, e cila sipas deklarimeve të 46-vjeçares, vuan nga probleme të shëndetit mendor. Punohet për gjetjen e 23-vjeçares”,- thuhet në njoftimin e policisë.
Materialet procedurale i kaluan Prokurorisë, për veprime të mëtejshme.
