Nga Boldnews.al
Një vit e gjysmë më parë, Edi Rama, krijoi Agjencinë për Dialog dhe Qeverisje, një institucion që dublon ministrisë, drejtoritë në shumë institucione. Adresa e kësaj Agjencia është brenda Kryeministrisë, ndërsa as vetë 10 punonjësit e saj nuk e dinë se çfarë pune bëjnë!
Por, kjo s’e ka penguar që ata të bëjnë tendera si gjithë institucionet e tjera, pavarësisht se objekti i veprimtarisë së tyre është kontrolli i institucioneve të tjera. Pra nga njëra anë kontrollojë (me letra) institucionet e tjera dhe nga ana tjetër kjo Agjenci shpenzon dhjetëra mijëra euro vetëm për të lyer dy zyrat brenda Kryeministrisë së Edi Ramës.
Ndoshta, drejtuesit e kësaj Agjencie, duke qenë në të njëjta ambiente me kryeministrin piktor, mund të jenë bërë edhe ata vetë artista. Por, sa kushton lyerja e zyrave të kësaj Agjencia?!
Shikoni pak dokumentin e mësipërm! Institucioni që po bën tenderin është Agjencia për Dialog dhe Bashkëqeverisje. Nga ato institucione që vetëm Edi Rama dhe ata që punojnë aty (dhe ata që përfitojnë) e dinë se çfarë pune bëjnë.
Objekti i këtij tenderi është “Lyerja e mjediseve të Agjencisë për Dialog dhe Bashkëqeverisje”. Por, nëse do të shohësh adresën e kësaj Agjencia, ajo është brenda Kryeministrisë, për rikonstruksionin apo lyerjen e saj janë bërë dhjetëra procedura tenderuese me qindra miliona lekë.
Kësaj herë, vetëm për të lyer këto zyra po shpenzohen plot 5.000.000 lekë të rinj, ose me TVSh rreth 50 mijë euro. Me kaq para’ të gjithë mund të bëhemi bojaxhinj, të marrim kovat dhe furccat dhe të lyejmë dy zyrat e kësaj Agjencie.
Madje, edhe vetë Edi Ramës ti thuash që Agjencia e tij po shpenzon kaq para, merr penelet e tij dhe e vizaton vetë dhomën. Por, në këto kohëra shpenzimesh pa kufi, të gjitha janë vënë “në garë” për të bërë tendera.
Por, nëse Agjencia kontrollon të tjerët, këtë Agjenci kush e kontrollon?!
