Gazetarja e CNN, Clarissa Ward është shtatzënë në muajin e pestë dhe po punon “në front” në Ukrainë. Kjo ka shkaktuar mjaft diskutime. Ka pasur nga ata që kanë fajësuar drejtuesit. Të tjerë e kanë quajtur papërgjegjshmëri të vetë gazetares. Ka edhe komente se gazetarja po rrezikon fëmijën e saj. Kuptohet që gazetarja ka marrë edhe shumë mesazhe inkurajuese. Përgjigjet i ka dhënë vetë gazetarja në një intervistë për revistën “People”.
“Mund të jetë mjaft sfiduese të qëndrosh këtu. Udhëtime të gjata dhe në të ftohtin e ashpër dhe duhet të jesh e kujdesshme ndaj vetes, por i kujtoj vetes se mijëra gra ukrainase e përjetojnë këtë çdo ditë” – thotë Ward. Ajo ishte nga korrespondentet e para që në nisje të luftës në shkurtin e vitit të kaluar. Në atë kohë qëndroi mbi 12 javë në Ukrainë.
Natyrisht që është një përvojë ndryshe të kthehesh në Ukrainë në javën e 20-të shtatzënë. Unë nuk do të shkoj në vijën e parë të luftës. Ekipi ynë ka punuar shumë për të gjetur të gjitha objektet spitalore përgjatë rrugës sonë” – rrëfen ajo.
Për Ward ky është fëmija i tretë. Ajo dhe burri i saj Philipp von Bernstorff janë tashmë prindër të Caspar (2 vjeç) dhe Ezra (4). Padyshim që ka nga ata që kundërshtojnë se gratë ukrainase nuk e kanë zgjedhje të qëndrojnë në front. Gazetarja u përgjigjet se ndihet mirë. Nuk ka të përziera, ka “shumë energji” dhe se nuk është ende aq shumë pranë fundit të shtatzënisë.
