Virozat e stinës po sjellin komplikacione për të gjitha grupmoshat. Qindra raste paraqiten çdo ditë pranë shërbimeve shëndetësore dhe në urgjenca, e shumë prej tyre tyre përfundojnë të shtruar në spitale.
Mjekët thonë se në qarkullim janë një sërë virozash respiratore, të cilat po shfaqin komplikacione të shumta, pa dallim moshe.
I ftuar në ‘Kafe Shqeto’ në Syri Tv, për të shpjeguar më shumë rreth këtyre virozave ishte Ilir Alimehmeti –mjek Epidemiolog.
Sipas tij, kjo gjendje gripale mund ta kalohet vetë, përjashtuar rastet e fëmijëve, të moshuarve apo njerëzve me probleme të tjera shëndetësore.
“Nuk është Covid është grip, covid ka janë shumë pak raste, vazhdon qarkullon, në numra të vegjël. Kjo është periudha klasike e gripit e cila për dy vite nuk kaloi ose kaloi pak dhe pritej që të vinte më fort dhe përveç pritjes teorike është edhe ajo praktike . Nëse shikojmë Australinë dhe atje gripi erdhi goxha më fort se vitet e kalura dhe e prisnim këtë dhe në Europë dhe kjo po ndodh. Jemi në mes të sezonit dhe Janari është gjithmonë muaji klasik i rritjeve të arsteve dhe kjo fillon e bie pas janarit. Është një grip i fortë kur bëhet fjalë për mosha të mëdha apo fëmijë e njerëz të sëmurë, që mund të kenë mundesi ndërlikimi por në shumicën e rasteve kalon vetë. Megjithatë simptomat ngelen të ngjashme me Covidin, ju e mbani mend edhe në fillimet e 2020-ës pati zëra që Covidi ka kaluar nga Shqipëria, sepse e ngatërronin me gripin që u kalua në Janar-Shkurt. Tani nuk është më Covid është thjeshtë një grip”, u shpreh Alimehmeti.
