Një aksident ka ndodhur në aksin Shkodër-Tiranë pranë fshatit Beltojë.
Sipas njoftimit të policisë, 61-vjeçari u përplas me barrierat e rrugës pasi humbi kontrollin e motoçikletës. I lënduari është dërguar në Spitalin Rajonal Shkodër, ku dhe po merr ndihmën mjekësore.
“Rreth orës 06:45, në aksin rrugor “Shkodër-Tiranë”, në fshatin Beltojë, shtetasi L. V., 61 vjeç, duke lëvizur me motoçikletë, ka humbur kontrollin mbi drejtimin e mjetit dhe është rrëzuar. Si pasojë e dëmtimeve të marra, 61-vjeçari është dërguar në Spitalin Rajonal Shkodër, ku dhe po merr asistencën mjekësore”, njofton policia.
Grupi hetimor po vijon punën për sqarimin e rrethanave të aksidentit.
