Një shtetas italian ka humbur jetën këtë pasdite në Vlorë. Sipas policisë, ai është hedhur nga kati i tretë i banesës ku jetonte.
“Rreth orës 18:00, në fshatin Cerkovinë, Vlorë, dyshohet se është vetëhedhur nga kati i tretë i banesës ku banonte, shtetasi italian D.A., rreth 55 vjeç, i cili si pasojë ka ndërruar jetë”, njoftoi policia.
Grupi hetimor po punon për sqarimin e plotë të rrethanave të ngjarjes, shtuan të njëjtat burime.
Raportohet se viktima Daniele Amurro mësohet se kishte gati një vit që jetonte me familjen në fshatin Cerkovinë në një banesë me qera.
