Pas Sinisha Mihajlovic dhe Pele , një tjetër futbollist i madh po largohet. Ditën e sotme ka ndërruar jetë në moshën 58-vjeçare Gianluca Vialli.
Prej 5 vitesh po luftonte me kancerin e pankreasit. Lajmi për vdekjen e tij ka mbërritur mëngjesin e sotëm, pak pas orës 10.
Vialli ishte shtruar në spitalin e Londrës.
Kujtojmë që Pele, ikona e futbollit ndërroi jetë në moshën 82-vjeçare. Ai vuante prej kohësh nga kanceri i cili iu përhap në të gjithë trupin.
Pele ishte trajtuar për kancer në zorrën e trashë, pas operacionit për heqjen e një tumori në shtator 2021 dhe kishte kërkuar trajtim të rregullt mjekësor.
Pasi u pranua përsëri në spital në fund të nëntorit për të rivlerësuar trajtimin e tij të kancerit, ai u diagnostikua me një infeksion të frymëmarrjes përpara se të transferohej më pas në kujdesin paliativ në Sao Paulo kur trupi i tij nuk reagonte ndaj kimioterapisë.
