Një klasë në shkollën 9-vjeçare “5 shkurti” të Ballshit është përfshirë nga flakët këtë të Martë. Zjarrfikësit kanë mbërritur në vendngjarje dhe kanë bërë të mundur vënien nën kontroll të flakëve.
Nga flakët ka dëme materiale.
Dyshohet se zjarri është shkaktuar nga një shkëndijë elektrike.
“Në datë 03.01.2023, në lagjen “5 Shkurti”, Ballsh, në një klasë të një shkolle 9-vjeçare, dyshohet se si pasojë e një shkëndije elektrike ka rënë zjarr dhe për pasojë ka vetëm dëme materiale në atë klasë. Shërbimet zjarrfikëse kanë bërë të mundur shuarjen e zjarrit, ndërsa grupi hetimor po punon për zbardhjen e shkaqeve të rënies së zjarrit”, thuhet në njoftimin e policisë.
Kur ka rënë zjarr, nuk ka pasur nxënës në shkollë, pasi janë ende me pushimet e festave të fundvitit.
