Sajmir Tahiri ka heshtur pas gjetjes së patentave të tij nga policia e Elbasanit në automjetin që drejtohej nga Orest Sota, ku ndodheshin gjithashtu 863 mijë euro, pasi e ka të vështirë të gjejë alibi. Këtë ka deklaruar analisti Fatos Lubonja në studion e Neës 24. Sipas tij, nëse Tahiri do të krijonte alibi për patentat, do të rrezikonte zbulimin e detajeve të tjera.
“Heshtja e Tahirit ndoshta është më e lehtë për t’u kuptuar. Ka të bëjë me atë se ndoshta e ka të vështirë të gjejë një alibi, dhe mund të krijojë problema të tjera. Në rast se do krijonte ndonjë alibi, do të rrezikonte të zbulohen detaje të tjera. Ndaj ka zgjedhur të heshtë për interesat e tij.
Ajo që intereson gjithsesi është të bëhen shumë fjalë, shumë zhurmë, të krijohet një polarizim, dhe të thonë o me ne, o me ata. Ndaj përpiqen ta politizojnë rastin”, u shpreh Lubonja.
