Policia e Kukësit ka dhënë detaje lidhur me vrasjen e mbrëmjes së sotme në Kukës, ku një adoleshent mbeti i vdekur pasi u qëllua me thikë.
“Pak minuta me pare në shtetitoren e qytetit te Kukësit janë konfliktuar dy shtetas e në konflikt e sipër shtetasi R.M., 17-vjeç, dyshohet se ka goditur me thikë shtetasin A.M, 16 vjeç, banues në Kukës.
I plagosuri është transportuar në spitalin e Kukësit, ku ka gjetur vdekjen.
Falë veprimeve të shpejta, Policia lokale beri te mundur kapjen e autorit të dyshuar”, njofton Policia.
Të njëjtat burime shtojnë se autori është shoqëruar në Komisariatin e Policisë për veprime mëtejshme. Gjithashtu është gjetur dhe sekuestruar thika e dyshuar si e përdorur nga 17-vjeçari R.M..
Ndërkohë, grupi hetimor ka shkuar në vendngjarje ku po punohet për zbardhjen e plotë të ngjarjes.
