Bota e futbollit është tronditur sot pas vdekjes në moshën 82-vjeçare të legjendës braziliane Pele. Deri tani ka pasur reagime të shumta nga personazhë të rëndësishëm që kanë ngushëlluar familjarët e tij.
Presidenti i FSHF-së Armand Duka ka reguar për ndarjen nga jeta të legjendës braziliane Pele.
Futbolli humbi sot mbretin. I madhi Pele, braziliani virtuoz që magjepsi botën me talentin e tij, u nda nga jeta pas një betejë me problemet shëndetësore. Një moment i vështirë për të gjithë ata që patën fatin ta shikonin nga shkallët e stadiumit duke luajtur, por edhe për ato që e kanë njohur përmes historisë dhe bëmave të tij. Do t’i mungojë shumë botës së futbollit, por rekordet, arritjet e tij unike dhe trofetë e shumtë e kanë ngjitur prej shumë kohësh në olimpin e futbollit. Legjendat jetojnë përgjithmonë! U prehsh në paqe i madhi Pele!- shkruan Duka në rrjetet sociale.
View this post on Instagram
