Ne Boteror pati shume emra qe rane ne sy dhe sigurisht qe u bene te famshem per merkaton e janarit dhe me tej. Mes tyre nga Maroku ishin pjesa me e madhe. Azzedine Ounahi e afirmoi emrin e tij, me ato paraqitje fantastike me Marokun, në Kupën e Botës, “Katar 2022”.
Mesfushori maroken ishte një nga zbulimet dhe tashmë disa skuadra janë duke ndjekur hapat e tij, me kontakte të drejtpërdrejta me Angers dhe shoqëruesit e tij. Mes tyre është edhe Interi, por edhe Napoli e sipas zërave të fundit të konfirmuar edhe disa ekipe nga Franca janë të interesuara.
Sipas mediave, “zikaltrit” dhe Napoli janë në garë për lojtarin, ashtu si Barcelona, por deri më tani, skuadra më favorite duket të jetë Olympique Marseille, e cila në javët e ardhshme do të formulojë një ofertë 20-25 milionë euro për mesfushorin e Angers…
Ounahi u thirr për Marokun U20 për të marrë pjesë në Lojërat Mesdhetare 2018. Më 22 qershor 2018, ai shënoi një gol në minutën e 68-të në barazimin kundër Italisë. Më vonë ai fitoi medaljen e bronztë me ekipin pas një fitoreje në penallti kundër Greqisë.
Më 23 dhjetor 2021, Vahid Halilhodžić ftoi Ounahin të ishte pjesë e finaleve në Kupën e Kombeve të Afrikës 2021. Ounahi bëri debutimin e tij profesional për ekipin kombëtar të Marokut në Kupën e Kombeve Afrikane 2021 në një fitore 1–0 kundër Ganës më 10 janar 2022.
Në ndeshjen e tij të katërt me Marokun, ai arriti të shënojë një dopietë në një fitore 4–1 kundër DR Kongos në kualifikimet e Kupës së Botës 2022 FIFA – Raundi i Tretë i CAF, që shënoi golin e tij të parë me ekipin kombëtar.
