Një grua e moshuar ka bërë sot një kallëzim në polici, pasi disa persona i kanë hyrë në shtëpi dhe i kanë marrë 28 litra raki. Sipas denoncimit ngjarja ka ndodhur ditën e djeshme pasdite, ndërkohë dhe policia ka nisur hetimet për identifikimin dhe kapjen e autorëve.
Njoftimi nga policia:
Më datë 08.11.2017, rreth orës 16:00, shtetasja M.S, vjeç 73, banues në Kuçovë, ka bërë kallëzim se rreth orës 13:30, nëpërmjet dritares së tualetit, persona të pa identifikuar i kanë vjedhur 28 litra raki. Punohet për identifikimin dhe kapjen e autorit. Materialet u referuan në Prokurorinë e Rrethit Gjyqësor Berat. Neni 134 i Kodit Penal.
