Është shkatërruar gjatë natës busti i Mit’hat Frashërit i vendosur pranë Liqenit Artificial në Tiranë.
Busti është shkulur nga vendi dhe është rrëzuar në tokë, teksa janë thyer dhe pllakat e mermerit.
Nuk dihet se kush kanë qenë agresorët dhe se çfarë i ka shtyrë ta bëjnë këtë veprim.
Busti u vendos pranë Liqenit Artificial në tetor të vitit 2018 dhe ishte vepër e skulptorit Agim Rada.
Mit’hat Frashëri ka qenë diplomat, shkrimtar dhe politikan shqiptar, një nga veprimtarët e Rilindjes Kombëtare dhe pjesëmarrës dhe kryetar i Kongresit të Manastirit.
Pas shpalljes së Pavarësisë së Shqipërisë qe ministër, diplomat i shtetit shqiptar, kryetar i Ballit Kombëtar dhe Komitetit “Shqipëria e Lirë”.
