Kryetari i Partisë Demokratike, Sali Berisha ka reaguar këtë të Premte për deklaratën që Sekretari i Përgjithshëm i Partisë Socialiste, Damian Gjiknuri, ka bërë ku u shpreh se në zgjedhjet vendore të 14 majit, PS-ja nuk zbret nën 40 bashki.
“Partia Socialiste nuk zbret nën 40 bashki. Këto janë llogaritë elektorale në Shqipëri. Për aq kohë sa nuk ka alternativë të besueshme në krahun tjetër. Nga ana tjetër kemi po të njëjtët njerëz, aq më tepër që dihen tani dy figurat kryesore që kanë marrë lidershipin. Apo opozita tjetër, formale…”, tha Gjinkuri.
Berisha është shprehur se Gjiknuri do përballet me ligjin gjykatën dhe burgun për dhunimin që i ka bërë zgjedhjeve.
Më tej Berisha shton se vendosja e votës së lirë është një ndër objektivat e revolucionit demokratik.
“Krimineli elektoral Gjiknuri do përballet me ligjin gjykatën dhe burgun për dhunimin që i ka bërë zgjedhjeve, vendosja e votës së lirë është një nga objektivat e revolucionit demokratik”, është shprehur Berisha.
