Deputetja e Partisë Demokratike, Jorida Tabaku ka folur mbi kandidaturën e Avokatit të Popullit, ku ka theksuar se Ledio Braho do të ishte personi i duhur për këtë post, edhe pse emri i tij u refuzua nga mazhoranca.
Ajo theksoi se demokratët janë kundër emrit të Ardian Dvoranit dhe shtoi se në këtë institucion duhet të jetë një person që nuk influencohet nga politika.
“PD nuk do të marr pjesë në votimin e anëtarit të Gjykatës Kushtetuese. Është e padrejtë që deputetët të vendosen në presion, është e padrejtë që në Gjykatën Kushtetuese të zgjidhet një anëtar që i ka borxh politikës. Për mua nuk ka rëndësi kush është emri dhe kush do të shkojë atje, për mu aka rëndësi që të mos jetë i influencuar nga politika”, tha Tabaku.
Tabaku bëri edhe një pasqyrim të situatës aktuale në parlament, teksa vuri në dukje se shqiptarët kanë kaluar një vit të vështirë dhe viti i ardhshëm pritet të jetë i ngjashëm.
“Unë e shoh vitin e ardhshëm shumë të vështirë, kjo seancë ishte një përmbledhje e asaj që ka ndodhur gjatë këtij viti”, tha Tabaku
