Policia ka arrestuar një 18-vjeçar pasi atij i është gjendur një shufër metalike në makinën që drejtonte.
“Specialistët për Hetimin e Krimeve të Komisariatit të Policisë Nr. 2 arrestuan shtetasin D. H., 18 vjeç, banues në Tiranë, pasi gjatë kontrollit të mjetit që drejtonte, iu gjet dhe iu sekuestrua, në cilësinë e provës materiale, një shufër metalike”, njofton policia.
Ndërkohë, blutë po ashtu kanë arrestuar një 41-vjeçar në Kamëz pasi ky i fundit i ka vjedhur me dhunë telefonin një 24-vjeçari.
“Po ashtu Specialistët për Hetimin e Krimeve të Komisariatit të Policisë Nr. 5 arrestuan shtetasin A. Gj., 41 vjeç, banues në Kamzë, pasi i ka vjedhur me dhunë telefonin, shtetasit S. A., 24 vjeç.” – njofton policia.
Materialet i kaluan Prokurorisë, për veprime të mëtejshme.
