Fitorja në tre shtete javën e kaluar dhe rritja e përqindjeve të tij në sondazhe, ka bërë që kandidati demokrat për president i Shteteve të Bashkura, Bernie Sanders të fitojë më shumë siguri për ecurinë e zgjedhjeve presidenciale.
Ai është shprehur se fushata më në fund ka vrullin e nevojshëm për të qenë e suksesshme. Rezultatet e fudit shumë shpresëdhënëse e bëjnë Sanders një kandidat të denjë përballë ish sekretares amerikane të shtetit Hilary Clinton.
“Të shtunën që lamë pas u mbajtën zgjedhje në tre shtete. Ne fituam në VVashington me 72%, në Alaska me 82% si dhe në Haëaii me 70%. Kjo është ajo që unë quaj vrull fushate”- u shpreh Sanders.
Nga ana tjetër, kandidatja Clinton, ka reaguar mbi sulmin e menaxherit të fushatës së Trump, i cili është vendosur nën akuzë nga autoritetet në SHBA për agresion ndaj një gazetareje gjatë një eventi elektoral.
Ish-sekretarja e Shtetit vlerësoi këmbënguljen e gazetares për të dënuar veprimine tij, teksa theksoi se përgjegjësinë kryesore mbi këtë cështje duhet t’a mbajë Donald Trump.
Sipas saj, miliarderi ka përdorur një retorikë mjaft të ashpër në fushatën e këtij viti që ka shqetësuar mjaft grupe të shoqërisë, e sidomos gratë dhe vajzat.
