Ministri i Jashtëm grek, Nikos Dendias do të vizitojë nesër Tiranën. Vizita e Dendias në Shqipëri vjen dy javë pas vizitës së ministres së Jashtme Olta Xhaçka në Athinë.
Më 20 tetor 2020 Shqipëria dhe Greqia ranë dakord që zgjidhja e çështjes së kufijve detarë dhe përcaktimit të Shelfit Kontinental dhe Zonave Ekonomike Ekskluzive, t’i besohet Gjykatës Ndërkombëtare të Drejtësisë të Hagës.
Ndërkohë Dendias, sot do të jetë për vizitë zyrtare në Kosovë, ku do të takohet me ministren e Punëve të Jashtme dhe Diasporës, Donika Gërvalla.
Pas përfundimit të takimit nga ora 12:30, të dy ministrat do të mbajnë edhe konferencë për media pas takimit. Denidas gjatë qëndrimit në Prishtinë, pritet të takohet edhe me pjesëtarët e kontingjentit grek të KFOR-it.
