Fituesja e edicionit të kaluar të “Festivalit të Këngës” Ronela Hajati, e cila përfaqësoi dhe Shqipërinë në ‘Eurovision’ me këngën e saj ‘Sekret’ nuk u ftua mbrëmjen e parë të spektaklit që të preformonte këngën e saj ashtu siç e kërkonte tradita.
Ronela Hajati është revoltuar dhe ka reaguar përmes një postimi në Instastory. Ajo thotë se ky veprim skuth, nuk ia heq dot suksesin që ka pasur kënga, e cila e ka marrë të gjithë dashurinë e publikut.
Postimi i plotë i Ronela Hajatit:
“Më ka aq shumë ky shpirt e kjo gojë për të folur, por më duket sikur do t’i heq vetes riskun që Zoti do të ma japë një ditë, të gjithë atë që meritoj për kaq shumë vite punë, lot, mundim, pasion e dashuri kaq të madhe për muzikën!
Po. Unë nuk isha e ftuar për të për të performuar këngën fituese ashtu si duhet! “Sekret” e ka marrë gjithë dashurinë që ka patur nevojë e për ktë i jam mirënjohëse vetëm publikut, këtu edhe jashtë! Kënga është laujtur në çdo cep këtë vit e më e gëzuar për këtë nuk mund të jem.
RTSH drejtimi mediokër e i vockël me veprime skuthe duke mos më përfshirë mua as në siglat e festivalit, nuk e heq dot suksesin që ka pas kënga! Çdo gjë ndodh për një arsye!!! T’ju shaj? Kurrë! S’ka fjalor që mund t’i përshtatet neverisë që më keni përcjellë! Në të gjithë botën vetëm mediat shqiptare kërkojnë me zor të bëjnë armiq nga hiçi! Qofshi me shëndet se mendjen e keni këllirë!!!
Së fundmi ‘Anabel.al’ ka kontaktuar me organizatorët e Fest 61 në RTSH, të cilët i janë përgjigjur pakënaqësisë që artistja shprehu publikisht ndaj tyre.
Sipas organizuesëve të festivalit, arsyeja përse Ronela nuk ishte e ftuar këtë në natën e parë për të performuar është sepse e tillë ishte formuala e këtij edicioni. Ata theksuan se e kanë ftuar artisten të japë çmimin e publikut që këtë vit do të çojë Shqipërinë në Eurosong por ajo nuk ka pranuar.
“Formula e rikëndimit të këngës fituese një vit pasi është shpallur është një traditë shumë jetëshkurtër, thuajse inekzistente, krahasuar me historinë e Festivalit, tashmë 61-vjeçar. Duke qenë se qëllimi këtë vit ka qenë t’i jepnim fokus artistëve pjesëmarrës dhe këngëve që prezantohen për herë të parë, nuk ka asnjë të ftuar nga muzika në dy netët e para të Festivalit. Zbatimi i kësaj formule nuk ka lidhje me respektin, vlerësimin dhe dashurinë për gjithçka ka bërë Ronela ne skenën e FIK dhe Eurosong. Ronela është ftuar të japë çmimin e publikut që këtë vit çon Shqipërinë në Eurosong, por e ka refuzuar ftesën.”– u shprehën burimet për Anabel.al.
