Një zyrtar i inteligjencës ukrainase ka pohuar se Presidenti rus Vladimir Putin e ka shtyrë tre herë nisjen e ndërhyrjes së tij ushtarake për pushtimin e Ukrainës.
“Bazuar në informacionin që kemi mbledhur, ky operacion ushtarak është shtyrë tre here”, tha nënkryetari i Shërbimit Informativ të Mbrojtjes të Ukrainës, Vadym Skibitsky në një intervistë për gazetën gjermane Bild.
Vonesa e fundit ka ndodhur në mes të shkurtit. Rusia nisi pushtimin e saj në Ukrainë më 24 shkurt, megjithëse nuk është e qartë se cilat data të tjera kishte planifikuar fillimisht.
Skibitsky tha se Shërbimi Federal i Sigurisë së Rusisë (FSB) ishte kyç në bindjen e presidentit rus dhe zyrtarëve ushtarakë për të dërguar trupa në Ukrainë.
Më parë, planet e pushtimit të zbuluara nga The New York Times tregon se trupat ruse ishin urdhëruar të ndodheshin në periferi të Kievit 13 orë pas fillimit të pushtimit.
