Një 48-vjeçar shqiptar është gjendur i vdekur në apartamentin e tij në Rocca Priora, në Itali. Sipas mediave italiane, kanë qenë disa familjarë që kanë gjetur trupin e shtrirë përtokë të pajetë.
Anëtarët e familjes kishin ardhur për ta vizituar 48-vjeçarin kur bënë zbulimin makabër. Në vendngjarje kanë shkuar karabinierët dhe urgjenca 118, të cilët konstatuan dhe vdekjen e shqiptarit.
Për momentin, policia që po heton rastin nuk ka përjashtuar asnjë pistë për vdekjen e 48-vjeçarit me origjinë shqiptare. Ata as nuk duan të përjashtojnë pistën e lidhur me një vrasje.
Tani për tani pritet vizita e mjekut, i cili do të duhet të konstatojë mënyrën e vdekjes së burrit, e cila ndodhi rreth drekës së sotme.
