Lidhja Demokratike e Gruas së Shqipërisë (LDGSH) organizoi zgjedhjet për Kryetare të LDG Dega Gjirokastër. Kandidate për Kryetare ishin zonjat: Anila Cacaj dhe Emilinda Kashah. Në përfundim të procesit të votimit dhe numurimit, Komisioni shpalli znj. Anila Cacaj, Kryetare të LDG dega Gjirokastër.
Kryetarja e zgjedhur e LDG Dega Gjirokastër, Anila Cacaj ka ndjekur Universitetin e Gjirokastrës, Fakultetin e Shkencave të Edukimit në Degën Cikël i Ulët. Më pas ka kryer Studimet Pasuniversitare në Universitetin e Tiranës, Fakultetetin e Shkencave Sociale dhe ka marrë titullin “Master në Mësimdhënie”. Punën e ka filluar si mësuese e Ciklit Fillor në shkollën “Koto Hoxhi” Gjirokastër, më pas ka punuar pranë DAR- Gjirokastër si inspektore e më pas në Sektorin e Kurrikules dhe Cilësisë. Më tej ka ushtruar detyrën e nëndrejtorit në shkollën “N. Frashëri”. Aktualisht është mësuese e Asimit Fillor në këtë shkollë. Nga viti 2002 e në vazhdim, zonja Cacaj punon si pedagoge e jashtme pranë Universitetit “Eqrem Çabej” Gjirokastër.
Pë shkak të kualifikimit të vazhdueshëm ajo gëzon titullin” Trajnere Kombëtare për MKLSH”, nga viti 2018 e në vazhdim është drejtuese e Rrjetit Profesional të Arsimit Fillor. Gëzon titullin “Mësues Mjeshtër” për të cilin është vlerësuar “Shkëlqyer”.
Znj Cacaj rrjedh nga familje demokratësh. Ka qënë aktive në aksionin opozitar, anërare e kryesisë së PD dhe Nënkryetare LDG Gjirokastër.
Lidhur me zgjedhjen e saj ka reaguar dhe kryetarja e LDGSH, Albana Vokshi, e cila ka uruar Cacajn.
“I urojmë suksese znj. Cacaj”, shkruan Vokshi në një postim në rrjetet sociale.
