Identifikohen shqiptarët që u vranë mbrëmë në Athinë. Ata janë: Kreshnik Çerçizaj 41 vjeç dhe Armando Ogranja 44 vjeç. Po ashtu, një grua mbeti e plagosur. Ngjarja ndodhi në një lokal në sheshin Nea Smyrni në Athinë, pak para orës 22:00.
Autori hapi zjarr ndaj dy klientëve me origjinë shqiptare, ku ndodheshin jo pak persona, që sipas dëshmitarëve okularë vlerësohet të jetë më shumë se 100-150 persona – duke shkaktuar në panik. Ata po shihnin ndeshjen finale të Kupës së Botës midis Argjentinës dhe Francës.
Mediat greke raportojnë se autoritetet dyshojnë se ngjarja ka ndodhur për shkak të larjeve të hesapeve.
Nga videoja që kanë publikuar mediat greke, autori mban një maskë dhe një kapuç në kokë për të fshehur tiparet e tij. I pashqetësuar nga klientët, ai hyn brenda lokalit dhe hap zjarr ndaj shqiptarëve dhe më pas arrin që të largohet në këmbë. Sipas informacioneve, të dy viktimat janë të njohur për autoritetet greke. 41 – vjeçari është me precedentë penalë për drogë, armë dhe grabitje, ndërsa sa i përket shqiptarit tjetër, mediat greke shkruajnë se ai kishte angazhuar autoritetet për rastet e drogës.
Sipas të dhënave, ekzekutimi ka ndodhur brenda 4 sekondave. Sulmuesi ka qëlluar gjithsej 7 herë.
Raportohet se shqiptari i parë që u konstatua i vdekur nga policia në vendngjarje ka marrë dy plumba në kokë. Bashkëkombësi i tij që ndërroi jetë pak minuta më pas ka marrë një plumb në gjoks që si duket ka rezultuar fatal për të.
Autori rezulton të jetë një profesionist, pasi mënyra se si e ka kryer ekzekutimin ka qenë e saktë dhe e shënjestruar.
Νέα Σμύρνη πριν. Μέσα σε κόσμο. Πάμε πολύ πολύ καλά #νεασμυρνη pic.twitter.com/NOWRMfC1wD
— island (@islandlayer13) December 18, 2022
