Në orën 16:00 do të startojë finalja e madhe e Kupës së Botës, “Katar 2022”, midis Argjentinës dhe Francës. Trajnerët i kanë bërë zgjedhjet e tyre dhe tashmë janë publikuar formacionet zyrtare.
Tekniku Scaloni ka menduar një formacion disi ofensiv, teksa ka zgjedhur rreshtimin 4-4-2, ku në portë është vendosur Emiliano Martinez, në mbrojtje të rreshtuar janë Tagliafico, Romero, Otamendi dhe Molina përkatësisht nga e djathta në të majtë. Mesfusha me 4 si zakonisht do të përbëhet nga Enzo Fernandez, Alexis Mac Allister, Angel Di Maria dhe Rodrigo de Paul, ndërsa sulmi “albiceleste” do të përbëhet nga Julian Alvarez dhe Lionel Messi.
Në anën tjetër, tekniku Didier Deschamps nuk ka ndërruar asnjë lojtar bazë nga formacioni 4-1-2-3. Në portë është Lloris dhe para tij rreshtohen Theo Hernandez, Upamecano, Varane dhe Kounde. Përpara mbrojtje do të vendoset Aurelien Tchouameni, ndërsa pak më para në fushë janë pozicionuar Rabiot dhe Griezmann. Sulmi “potent” është i përbërë nga Dembele, Giroud dhe Kylian Mbappe.
