DASHI
Yjet do ua rregullojnë disi humorin gjatë kësaj dite dhe do jeni disi më entuziastë se më parë. Ju që keni një lidhje nuk do i përkushtoheni sa duhet partnerit tuaj sot dhe duke e lënë pas dore dikush tjetër do përfitojë për t’ua marrë. Vetëm kur të mos e keni më pranë vetes do e kuptoni sa vlera ka pasur. Ju beqarëve nuk do ju mungojnë mundësitë për takime, por ju do jeni konfuzë dhe nuk do dini çfarë të bëni. Në punë do iu jepen detyra të reja për gjëra për të cilat jeni vërtet kompetentë. Mos hezitoni as të tentoni gjëra të reja. Edhe financat do jenë delikate e të trazuara. Kujdes me çdo hap në mënyrë që të mos ketë probleme serioze.
DEMI
Jupiteri do e stabilizoje jetën tuaj në çift gjatë kësaj dite dhe rutina do marrë fund. Për ju të dashuruarit do fillojnë të dalin rrezet e para të diellit. Atmosfera do përmirësohet tej mase dhe komunikimi do rikthehet si asnjëherë më parë. Ju beqarëve do iu jepen mundësi të mira për njohje, por do preferoni të prisni pak kohë para se të hidhni hapa. Gjithsesi mirë është qe ata persona te mos i largojnë nga vetja. Sipas Horoskopit Vip, në planin profesional do jeni më të frymëzuar dhe do arrin i atje ku keni dëshiruar përherë. Mund të merrni edhe një lajm të rëndësishëm. Financat do jenë goxha të mira dhe do arrini të bëni investimet e dëshiruara.
BINJAKËT
Jeta juaj do jetë shumë më e thjeshtë gjatë kësaj dite dhe do ndiheni me më tepër besim tek vetja. Për ju të dashuruarit e sotmja do jetë e shkëlqyer. Do ja kaloni më së miri pranë partnerit dhe nuk do ju mbetet qejfi edhe nëse ai ju bën ndonjë kritikë. Në fund të fundit ai ju do të mirën dhe dëshiron që ju të jeni perfektë. Beqarët çfarëdo qe te bëjnë nuk do mund ta ndryshojnë statusin. Në punë do veproni me shumë pasion dhe do jeni të gatshëm edhe të përballeni me kolegët vetëm që të arrini atje ku doni. Në planin financiar do bëni të pamundurën që ta ndryshoni situatën dhe do ja dilni mbanë.
GAFORRJA
Në mëngjes do jeni paksa nervozë sot, megjithatë situata do qartësohet shumë shpejt. Për ju të dashuruarit është dita ideale për të reflektuar gjerë e gjatë dhe për të marrë vendime të rëndësishme në jetën tuaj. Do e shihni se do ndiheni më mirë te dyja palët. Për ju beqarët do fillojë një etapë e re shumë më e bukur nga më parë e cila do i beje ta shohin boten me një sy tjetër. Në punë do keni shumë dyshime për gjithçka dhe nuk do guxoni të hidhni hapa të menjëhershme. Mirë është t’i dëgjoni këshillat e miqve. Buxheti do ekuilibrohet tej mase kështu që do ndiheni më të lirshëm për të bërë edhe ndonjë shpenzim më tepër sesa zakonisht.
LUANI
Do jeni në humor më të mirë gjatë kësaj dite dhe do e merrni gjithçka me optimizëm. Për ju të dashuruarit e sotmja do jetë shumë sensuale dhe e mbushur me kënaqësi të paimagjinueshme. Ndonjëherë nuk do ju besohet se jeni në realitet dhe po i përjetoni vërtet të gjitha ato ndjesi. Ju beqarët do keni disa takime shumë të bukura, por do preferoni të prisni edhe pak para se të hidhni hapa më tej. Sektori profesional do kalojë edhe peripeci, por ju nuk duhet të alarmoheni. Merrini gjërat sa më shtruar dhe do dilni të fituar. Gjendja e financave ka për të qenë përherë e kënaqshme.
VIRGJËRESHA
Gjatë kësaj dite do i mendoni gjërat gjerë e gjatë para se të veproni dhe kjo do ju mbajë larg problemeve. Për ju të dashuruarit e sotmja do jetë e mbushur me momente të lumtura. Asgjë dhe askush nuk do ua prishë harmoninë dhe çdo moment zemra do ju rrahë pa mbarim. Për ju beqarët do ketë njohje me të vërtetë interesante dhe shumë gjëra mund të ndryshojnë për mirë. Në punë mund të nënshkruani një kontratë të re dhe rrugë të tjera do ju hapen për vazhdimësinë. Do ndiheni edhe më të kënaqur. Buxheti mund të keni disa vështirësi për shkak të ndryshimit të banesës apo të disa spenzimeve të domosdoshme që duhet të kryeni.
PESHORJA
Edhe pse në përgjithësi gjërat do ju ecin mirë sot, nuk duhet të prisni që yjet t’ua servirin çdo gjë në pjatë të argjendtë. Edhe ju duhet të bëni përpjekje. Nëse keni një lidhje, marrëdhënia juaj me partnerin do përmirësohet tej mase. Do i shihni gjërat më me realizëm e madje do pranoni se edhe ju vetë keni bërë me parë gabime. Ju beqarët do arrini më në fund të realizoni takimet tuaja më të bukura dhe do filloni një marrëdhënie të qëndrueshme. Sipas Horoskopit Vip, në punë duhet të reflektoni gjerë e gjatë para se të hidhni hapa. Nëse jeni konfuzë më mirë mos veproni. Në planin financiar duhet të merrni masa më strikte që gjendja mos ketë tronditje.
AKREPI
Nuk do jeni shumë optimistë gjatë kësaj dite dhe do e merrni çdo gjë me frikë. Ju të dashuruarit do ndiheni shpesh në vështirësi dhe nuk do dini çfarë hapash të hidhni. Më mirë qëndroni pak në heshtje dhe reflektoni pasi në të kundërt do bëni gabime. Ju beqarët do bëni çdo përpjekje të mundshme për ta ndryshuar statusin tuaj dhe do ja arrini qëllimit. Në punë duhet të tregoheni gjithë kohës vigjilentë sepse përndryshe rrezikoni të gaboni. Iu janë dhënë përgjegjësi të reja dhe nuk duhet t’i zhgënjeni eprorët. Me shpenzimet nuk do keni vështirësi nëse tregoheni përherë të logjikshëm.
SHIGJETARI
Gjatë kësaj dite Jupiteri dhe Urani do ju japin më shumë liri veprimi dhe do bëni atë që do ndieni për momentin. Për ju të dashuruarit kanë për të ndodhur shumë gjëra të jashtëzakonshme. Emocionet do shumëfishohen dhe do ju duket sikur jeni mbi re. Ju beqarët do jeni gati ta pranoni propozimin e dikujt dhe do filloni një lidhje serioze. Në punë keni për të arritur rezultatet të shkëlqyera fale vendosmërisë dhe përpjekjeve të shumta., për ju asgjë nuk është e pamundur. Gjendja e të ardhurave nuk do jetë aq e mirë sa mendonit. Lërini për më vonë disa investime dhe mos shpenzoni shuma të mëdha.
BRICJAPI
Rutina do jetë shumë shqetësuese gjatë kësaj dite dhe shpesh do ndiheni vërtet të mërzitur. Për ju të dashuruarit e sotmja do jetë tejet e vështirë. Nuk do merreni vesh mirë me atë që keni në krah dhe mund të debatoni ashpër. Ju beqarët do keni mundësi vetëm për aventura kalimtare, asgjë më tepër sesa aq. Buxhetin do e menaxhoni me shumë përkujdes. Në punë do jeni më të ndërgjegjshëm për të gjitha gabimet që keni bërë, por kushtet nuk do ju lejojnë t’i ndreqni ato menjëherë. Edhe sot do kaloni një ditë delikate. Nuk do kryeni aspak investime të panevojshme të cilat do mund ta tronditnin situatën.
UJORI
Planetët do ua bëjnë gjërat shumë herë më të lehta sot dhe do ju duket sikur mund të arrini çdo objektiv. Ju të dashuruarit do jeni në humor të shkëlqyer ashtu si edhe ai që keni në krah. Do bëni gjëra të jashtëzakonshme së bashku dhe emocionet do jenë të pafundme. Ju beqarët më në fund do i thoni lamtumirë vetmisë dhe do filloni t’i shihni gjërat me një sy tjetër. Në punë, për t’ia dalë mbanë duhet të shtoni përpjekjet, të shprehni mendimet dhe të bashkëpunoni më tepër me kolegët. Dijeni se të vetëm nuk do arrini dot shumë lart. Të ardhurat nuk do jenë të këqija, megjithatë mirë është të mos shpenzoni kuturu sepse situata mund të marrë shpejt tatëpjetën.
PESHQIT
Pavarësisht përpjekjeve që do bëni sot gjërat për ju nuk o ecin aspak mirë. Për ju të dashuruarit ndikimi i yjeve do jetë shumë negativ. Për këtë arsye do lindin debate dhe mosmarrëveshje në çdo moment. Ju beqarët nuk do mundni dot të përfitoni nga ftesat që do ju bëhen dhe do mbeteni sërish me të njëjtin status. Në punë do i shtoni dozat e imagjinatës dhe do tentoni gjërat të reja, por për fat të keq kolegët do ua prishin të gjitha planet. Ata ju kanë zili dhe nuk duan që ju t’ua kaloni. Në planin financiar nuk do ndodhë asgjë e jashtëzakonshme, por mundohuni sa të mundni të ruani qëndrueshmërinë.
