Një 60-vjeçar nga Evia në Greqi, ka humbur jetën duke u përpjekur të dekoronte çatinë e shtëpisë së tij me dritat e Krishtlindjeve.
Sipas evima.gr, ngjarja ka ndodhur në Karysto të Evias pasditen e së premtes, kur fatkeqi është ngjitur në çatinë e shtëpisë ku jetonte për të dekoruar dritat e Krishtlindjeve, por dyshohet se i janë ngatërruar këmbët, ka humbur ekuilibrin dhe ka rënë nga 3 metra lartësi duke e goditur kokën.
Njerëzit e familjes së tij që kanë dëgjuar zërin kanë dalë për të parë se çfarë ka ndodhur dhe kanë gjetur 60-vjeçarin të shtrirë në tokë.
Në vendngjarje kanë shkuar një ambulancë e EKAV dhe policia. Ata e kanë transferuar menjëherë 60-vjeçarin në spitalin e Karystos, ku fatkeqësisht mjekët kanë konstatuar vdekjen.
