Agjencia e lajmeve AFP ka publikuar këtë të shtunë mbi 90 fotografitë më të mira të vitit 2022, të cilët përmes vendit dhe kohës kur janë shkrepur dhe mesazhit të fortë që përcjellin, kanë definuar vitin që shumë shpejt do të lëmë pas krahëve.
Nga imazhet e luftës në Ukrainë, te takimi Putin-Macron e nga ceremonia mortore në nder të Mbretëreshës së ndjerë Elizabeth II e deri te boja e trupit të Bella Hadid, imazhet tregojnë se 2022 nuk ka qenë një vit i lehtë për globin.
Viti 2022 pa mijëra foto të shkrepura në Ukrainë, me fotografët që kapnin refugjatët në arratisje, ribashkime të përlotura dhe krimet e luftës të ushtarëve të Putinit gjatë nëntë muajve luftime të përgjakshme.
Funerali i Mbretëreshës dhe kurorëzimi i mbretit Charles III ishte gjithashtu ikonik, ndërsa momentet e fitores u kapën edhe në fytyrat e fituesve të zgjedhjeve Emmanuel Macron dhe Luis Ignacio Lula de Silva.
Por, ajo çka bie në sy në kopertinë është fotoja e emigrantëve në brigjet e Francës veriore, të cilët mbajnë në krah një gomone, që do të përdoret për të kaluar Kanalin Anglez me shpresën për të përmbushur ëndrrën britanike.
