Partizani është rikthyer te fitorja pas barazimit 3-3 me Erzenin, duke mundur me shifrat 2-1 Kukësin në shtëpi.
Në minutën e 25-të, Bitri përfiton pas një topi të kthyer nga muri mbrojtës dhe zhbllokon shifrat.
Ekipi kryeqytetas nuk vonon shumë dhe dyfishon shifrat. Këtë herë është i zakonshmi Skuka që ndez përsëri festën e “Demave”, brenda fraksionit.
Verilindorët nuk dorëzohen dhe përpiqen të rihapin llogaritë. Kuksianët ia dalin të bëjnë diçka të tillë 20 minuta nga fundi, me Bashën që ekzekuton sicc duhet një penallti.
Sfida bëhet e luftuar nga të dyja krahët, rastet nuk mungojnë. Me këtë rezultat, të besuarit e Colellas kryesojnë kampionatin me 26 pikë. Kukësi është e 8-ta me 12 pikë dhe duket në rënie të lirë.
