Simboli i lirisë në historinë e vendit tonë, shqiponja është “burgosur” dhe po trajtohet si suvenir. Një qytetar ka fotografuar shqiponjën që jeton në kafazin e një restoranti në Tiranë.
Sipas denoncimit të publikuar nga JOQ, shqiponja, mbahet në një kafaz, në të cilin nuk hap dot as krahët.
“Prsh JOQ! Ja një tjetër krijesë e shkret që ka të njëjtin fat si ariu.. te Restorant S… e mbajn ktë Shqiponjën në një kafaz super të vogël në të cilin as krahët nuk hap dot. Flm”- thuhet në denoncim.
Emri i restorantit nuk bëhet me dije, por Shqiponja nuk mund të ketë fatin e ariut Mark që argëtoi klientët e një lokali për vite me radhë, por falë “For Paws”, sot ndodhet në një shtëpi të re në Austri.
