Projektbuxheti për vitin e ardhshëm parashikon rreth 9 milion euro vetëm për rikonstruksion të godinave të Ministrive, blerje të paisjeve elektronike dhe blerje automjetesh.Treguesit e shpenzimeve tregojnë se Kryeministria ka fondin më të madh për këto zëra e ndjekur nga Ministria e Financave dhe Ekonomisë dhe Ministria e Drejtësisë. Ndërkohë për blerje automjetesh fondin më të madh e merr Ministria e Brendshme në zërin për parandalim përmbytjesh.
Qeveria ka parashikuar që të shpenzojë rreth 9 milion euro vetëm për rikonstruksion të godinave të Ministrive, blerje të paisjeve elektronike dhe blerje automjetesh. Treguesit e projektbuxhetit për vitin 2018 tregojnë se Kryeministria ka fondin më të lartë prej 224 milionë lekësh i cili parashikohet për blerje të paisjeve elektronike dhe rikonstruksion të godinës.
Më pas renditet Ministria e Ekonomisë dhe Financave për të cilën parashikohet një fond prej 218 milion lekësh vetëm për blerje të pajisjeve elektronike dhe sistemeve elektronike. Ndëkohë për Ministrinë e Drejtësisë është parashikuar që të shpenzohen 125.5 milion lekë ku pjesa më e madhe parashikohet për rikonstruksion të godinës dhe krijimin e një sistemi elektronik për arkivën gjyqësore.
Gjatë vitit të ardhshëm qeveria ka parashikuar në projektbuxhet edhe një fond për rikonstruksionin e Ministrisë së Evropës dhe Punëve të Jashtme. Peshën më të madhe të fondeve për blerje automjetesh e mban blerja e mjeteve për parandalimin e përmbytjeve të cilat kapin një vlerë prej 179.4 milion lekësh,më pas renditet sistemi i burgjeve me 20 milionë lekë dhe Instituti i Shëndetit Publik me 10 mln.
Kuvendi është institucioni për të cilin parashikohet fondi më i madh, prej 6.8 milion lekësh e ndjekur nga Ministria e Infrastrukturës dhe Energjisë me 3 milion.
