22-vjeçari shqiptar, Ibrahim Rudi është dënuar me 10 vite burg nga drejtësia italiane, pasi akuzohet se ka qëlluar me breshëri automatiku, ish-të dashurën e tij dhe partnerin e saj të ri. Ngjarja e rëndë ndodhi mes datës 9 dhe 10 gusht, në vitin 2021.
E reja ishte në rrugë me motrën e saj, kushëririn dhe dy miqtë në via Kennedy në qendër të Galipolit, në momentin që Rudi qëlloi 18 herë me automatik në drejtim të tyre. Vajza e personat e tjerë i mbijetuan sulmit.
22-vjeçari u largua nga vendngjarja më pas, por u arrestua ditë më vonë. Ai u dënua me procesin e gjykimit të shkurtuar nga gjyqtarja e Leçes Simona Panzera. Rudi u shpall fajtor për vrasje të shumëfishtë të mbetur në tentativë.
