Kryeministri Edi Rama ditën e sotme do të zhvillojë një takim me drejtuesit e qarqeve.
Bëhet me dije se takimi do të nisë në orë 16:00 dhe se në fokus të diskutimeve do të jenë zgjedhjet lokale të 14 majit 2023.
Megjithëse kryeministri Edi Rama ende nuk ka zyrtarizuar listën me emrat e kandidatëve për 61 bashkitë e vendit, Partia Socialiste ka filluar që të ndezë motorët elektoralë për zgjedhjet lokale. Emrat e kryebashkiakëve që do të garojnë në zgjedhjet lokale të 2023 do të vendosen nga kryesia e PS, ndryshe nga Partia Demokratike e Sali Berishës që i ka zgjedhur kandidatët përmes Primarëve, mënyra më e mirë dhe niveli më i lartë demokratik në zgjedhje.
Në zgjedhjet e 14 majit opozita vjen e bashkuar ku vlen të kujtojmë koalicionin mes kreut të Partisë Demokratike, Sali Berishës dhe homologut të tij tek Partia e Lirisë, Ilir Meta.
