Moti i keq që ka pushtuar vendin ditën e djeshme, ka shkaktuar problematika në disa qytete kryesore të vendit.
Pas Lezhës Shkodrës dhe Krujës probleme janë raportuar edhe në Durrës,
Mësohet se rreth 300 hektarë tokë bujqësore është përmbytur ndërsa ka prezencë të ujit në 20 familje të cilat ndodhen pranë lumit Erzen, e megjithatë nuk është marrë asnjë masë për evakuuimin e tyre. Mësohet se disa prej tyre janë detyruar të qëndrojnë tek të afërmit apo fqinjët.
Më konkretisht shtëpitë të cilat kanë prezencë të ujit ndodhen në lagjen Stalla e fshatit Vadardh, ndërsa sipërfaqja e tokës së përmbytur përfshin fshatrat Vadardh, Rrushkull, Perlat dhe Hamallaj.
