Partizani barazoi 3-3 ndaj Erzenit në “Niko Dovana”, në ndeshjen e vlefshme për kampionatin shqiptar. Nonato ia doli të realizojë pas nëntë minutash lojë, duke dërguar në festë ekipin nga Shijaku. Gëzimi zgjati pak, pasi Cara vendosi ekuilibrat.
Xhuliano Skuka shpërdoroi një rast të artë në fundin e pjesës së parë, pasi gaboi nga pika e bardhë e penalltisë. Ekipi i të kuqve e nisi shumë mirë fraksionin e dytë, duke shënuar me Rrapaj dhe Skuka. Skuadra e Kapllanit provoi të hapte takimin me Kadriun dhe bëri mjaft mirë diçka të tillë, pasi në limite u barazuan shifrat nga Kahrimanoviç me penallti.
Me këtë rezultat, Partizani është i pari me 23 pikë dhe luan ndaj Kukësit në ndeshjen e radhës. Erzeni pozicionohet e 3-ta me 21 pikë.
Kampionati shqiptar luan nesër ndeshje mjaft interesante, Vllaznia sfidon Egnatian në Shkodër, sakaq Tirana pret Kastriotin në shtëpi.
