Gjykata e Posaçme (GJKKO) ka rrëzuar padinë për shpifje që ishte bërë nga ministrja e Arsimit Evis Kushi përkundrejt deputetes së Partisë Demokratike, Albana Vokshi.
Vokshi është shpallur e pafajshme dhe në një deklaratë të shkurtër për mediat ajo u shpreh se ministrja duhet të japë dorëheqjen.
“E prisja, gjykata sot foli dhe më shpalli të pafajshme duke rrëzuar padinë e Evis Kushin. Ky është sinjali i parë i mirë që vjen nga drejtësia. Ka ardhur koha që drejtësia të përballen me shantazhet dhe dhunën që ushtron pushteti. Evis Kushi të japë dorëheqjen sot edhe pas këtij vendimi, ka ardhur koha që shqiptarët të marrin në duart e tyre fatet e tyre dhe të fëmijëve. Shkatërrimi i arsimit nuk ka [pasoja vetëm për të sotmen, por për të ardhmen, ndaj ka ardhur dita që të gjithë të bashkohen për të ndalur këtë qeveri të korruptuar, antishqiptare. Ftoj çdo prind, student e të ri, që të bashkohen me përpjekjet tona”, tha Vokshi.
Deputetja e PD ishte paditur nga Kushi pas publikimit të tezave të provimit të maturantëve përpara nisjes së provimeve, duke e cilësuar si shpifje prej saj.
