Ambasada e SHBA-ve në Tiranë, ka reaguar mbi ditën Ndërkombëtare Kundër Korrupsionit (sot 12 dhjetor).
Përmes një postimi në rrjetin social Facebook, ambasada thekson përkushtimin e Amerikës për të vazhduar përpjekjet për të rritur transparencën në komunitetin global.
Ambasada amerikane bën me dije se Departamenti i Shtetit i SHBA lufton korrupsionin përmes diplomacisë, duke zhvilluar standarde të forta ndërkombëtare dhe duke mbështetur zbatimin e tyre.
Postimi i plotë i Ambasadës së SHBA-ve:
Departamenti i Shtetit i SHBA lufton korrupsionin përmes diplomacisë, duke zhvilluar standarde të forta ndërkombëtare dhe duke mbështetur zbatimin e tyre, duke ndërtuar dhe forcuar institucionet qeveritare dhe rrjetet ndërkombëtare, duke përdorur kufizimet e vizave dhe sanksionet ndaj zyrtarëve të korruptuar dhe duke mbështetur gazetarët dhe organizatat jo-qeveritare që promovojnë transparencën dhe nxisin kërkesën e llogarisë ndaj individëve të korruptuar. Shtetet e Bashkuara janë thellësisht të përkushtuara për të vazhduar këto përpjekje dhe për të rritur transparencën në komunitetin global.
Ndërkohë në Ditën Ndërkombëtare kundër Korrupsionit, në mediat e huaja po qarkullon një raport i fundit, që thekson se Shqipëria është vendi më i korruptuar në rajonin tonë.
Në raportin e rëndësishëm theksohet qartë se shteti në Shqipëri është i kapur nga korrupsioni. Prej vitesh, Shqipëria ka thyer çdo rekord korrupsioni në Europë dhe në botë.
