Shefi i Politikës së Jashtme i BE-së, Josep Borrell theksoi se sot është një ditë e rëndësishme për Ballkanin Perëndimor, pasi është samiti i parë me BE në rajon.
Përfaqësuesi i lartë i BE-së, Josep Borrell tha gjithashtu se duhet të nisin bisedime serioze midis Kosovës dhe Serbisë për çështjen e dialogut. Ai shtoi se propozimi për zgjidhjen tashmë ka arritur në Beograd dhe Prishtinë dhe tani palët duhet të angazhohen vërtet në dialog.
“Kjo është një ditë e rëndësishme për Ballkanin Perëndimor. Tani duhet të angazhohemi vërtet në dialog, propozimet që kanë bërë në mbështetjen e Francës dhe Gjermanisë, versioni i fundit i tekstit është dërguar dje në Beograd dhe sot në Prishtinë. Duhet të nisin bisedime serioze se është një mundësi shumë e madhe. Në aspektin e mbrojtjes do të ofrojmë mbështetje. 10 mln euro do të jepen për ç’minim të minave. E rëndësishme është që mos vendosim datë por të fillojmë me punën”, tha Borrell.
