Kandidati i PD për kryetar të Bashkisë Tiranë më 14 maj, Belind Këlliçi, në një konferencë për shtyp me Ilir Alimehmetin i cili u tërhoq nga balotazhi, deklaroi se do të jenë të gjithë bashkë përballë Erion Veliajt më 14 maj.
Belind Këlliçi falenderoi demokratët ndërsa shtoi se do t’i sjellin qytetarëve një model krejtësisht ndryshe. Këlliçi theksoi se nga ky moment fillon fushata përballë kryebashkiakut aktual të Tiranës.
“Falenderoj Ilir Alimehmetin, e njoh si fisnik, gjithmonë do mbetet i tillë, e fisnikëroi garën. Më 14 maj do i sjellim qytetarëve një model të të bërit politikë krej ndryshe.
Do çrrënjosim modelin e tmerrshëm të Bashkisë së Tiranës me Erion Veliajn. Faleminderit demokratëve që dolën për të votuar, komisionerët, vëzhguesit, komisionerët. Më 14 maj do jemi të 7 kandidatët përballë Erion Veliajt. Nga ky moment fillojmë fushatën përballë Erion Veliajt.”-tha Këlliçi.
